Transcription
1
Mon frère, le commensement de ceste lettre sera pour vous
2
suplier très humblement mexcuser si elle nest escripte
3
de ma main, pour ung mal qui mest venu au bras depuis
4
mon arrivée en ceste ville qui est, comme je croy,
5
ung reliquat des commodités que iay receus à la court
6
de France. Or, mon frère, ie vous diray que iay receu
7
une lettre de monsieur Du Vant par laquelle il mescript
8
le commandement exprès quil vous a pleu lui faire de
9
nabandonner poinct mon faict jusque à ce quil en soit
10
venu à bout, dont ie vous suis perpetuellement obligée ;
11
et si vous scaviés combien ce fait nous touche et plus
12
encores à la reputation et honneur et au repos de lesprit
13
plus que non pas à tout le bien et utilité que nous en
14
sauroins iamais tirer, qui me faict vous suplier de
15
rechef, mon frère, pour tout le bien que vous nous voulez
16
iamais faire, quil vous plaise embrasser ce faict
17
extraordinairement et y employer tous voz amis et
18
serviteur pour nous en faire venir à heureuse fin
19
sans que ces messieurs de la chambre des comptes me
20
fascent consommer en plus grand peine et travail
21
que de celle que iay endurée jusque à ceste heure ;
22
et ne vous pouvant dire lobligation que nous vous en
23
aurons, ie supliray Dieu nous faire la grace de vous
24
faire ung iour quelque agreable servise et vous donne
25
ce pendant tout le bien et heur que nous vous desirons.
26
De Thurin, ce Xe frebvier [sic] 1574 f.
27
Votre bien humble et obligée et obeissante seur
28
A. de monlitard
29
Nous attendons dans deux jours lexcelente presence du duc d’Albe.
30
Si iaprens quelque chose de sa venue, ie vous en feray part.
31
La plus grand part de la cour de son altesse est allé au devant de luy, excepté mon mary pour nestre
32
pas son naturel de vivre à la courtizane et ausy que ceste nation ne le regarde pas beaucoup
33
[une ligne illisible]